【馬尼拉直擊】「水行俠」積遜大讚Marvel隊長 安芭自嘲戰衣似避孕套
安芭赫德温子仁水行俠積遜莫瑪
即將於本月20日上映嘅DC大作《水行俠》(Aquaman)於中國大收,男主角積遜莫瑪(Jason Momoa)、女主角安芭赫德(Amber Heard)及導演温子仁(James Wan)就專程再次到訪亞洲,飛抵菲律賓馬尼拉出席記者會及紅地毯活動。
記者會上,有人大讚兩位主角戰衣有型,但安芭就似乎有弦外之音:「我件衫好有型又輕盈,貼身到好似真空狀態,基本上我就好似個避孕套。」呢個時候温子仁都講笑話:「我嗰件就好舒服喇,都唔知你哋投訴啲乜?」
積遜自言也是來自兩個文化背景,所以好明白角色嘅內心世界:「我來自兩種文化背景,所以有好深感受。」安芭慶幸能成為女英雄,佢指市面上女性超級英雄唔多,此時積遜卻大讚「對家」嘅Marvel隊長,仲話:「Marvel隊長作為女英雄都好正!」今次電影叫好又叫座,積遜揚言想開續集:「我好興奮大家都覺得我們做得好,我會盡力去令續集開得成。」積遜在過程中既脫去外套晒麒麟臀及蓄起頭髮,更在十幾分鐘內狂灌兩支水,似乎好口渴。
精選娛聞,喺晒《娛果》
http://fb.com/appledailyent