魯芬BB今日著到紅噹噹去灣仔接受dbc電台訪問，最近佢個「能得利」廣告好hit，係咪因為咁所以今日著到廣告咁紅？佢話:「因為我跑馬，所以著到紅色，呢個廣告同李光洙一齊拍咗2日。」講到個廣告點擊好高，佢就話:「大家捧下場，農曆年都會喺電視播。」

問佢拍攝時有冇笑料?魯芬大讚好過癮話:「洙洙(即係李光洙)好高嘅，patpat到我條腰，佢好客氣，見到我都90度躹躬，又向我遞咖啡蛋撻，開風扇仔幫我吹，我喺香港真係未享受過，自己入行27年，有好多明星長輩，見到佢哋都會打招呼，O依家『現眼報』，終於有人對我咁做。」

咁有冇睇《RunningMan》呢?魯芬話有，但就冇留意邊個係「洙洙」，又話拍廣告時冇NG:「一埋位就拍，你知啦，我自己都講開笑，同埋佢有個翻譯，講國語嘅翻譯，同埋會用bodylanguage去溝通，佢都好受落，佢真係好客氣，臨走時成team人入我房saygoodbye，喺香港點會有呢啲事丫。」

問魯芬覺唔覺自己似金鐘國？佢話:「係呀，啲人仲話我似韓紅，劉歡，其實我有啲『韓feel』嘅。」咁「洙洙」話你似？佢話:「冇講，不過佢team人對我應該有親切感。」講到「洙洙」喺個廣告入面講歪音似講粗口，魯芬話係特登嘅:「如果講正就冇人理啦，客戶都覺得冇問題，你叫鄧小平都係咁啦。」講到個廣告hit爆網民狂改歌詞，魯芬:「係呀，我睇晒啦，好得意，我覺得好有創作力，可能前一排香港唔係太開心，講啲嘢大家分享下。」佢又表示今次酬勞ok。

廣告中魯芬BB身穿旗袍上陣，有冇節食？佢話:「冇，反而啲人覺得我瘦咗，其實有啲人瘦咗就冇運，我要keepfat。」佢又透露6月會去美國登台，不過就唔關個廣告事，係之前已經接落。

相關新聞:
李光洙x魯芬網上熱爆網民改詞寸689「供樓，理x得你」
http://bit.ly/1yHvQEb