今日平安夜，唔少人都約朋友出去開聖誕party，亦有人選擇一家人歡度平安夜，而網上都充滿聖誕氣氛!

車婉婉同關心妍分別喺網上貼出一家三口相，而黎姿只係喺Ig貼出囡囡嘅背影相，留言：「我和女兒們一樣都很喜歡聖誕節，滿街都是色彩繽紛的佈置，充滿著濃厚的節日氣氛。在這個普天同慶的佳節，祝大家聖誕快樂，幸福平安!」

劉嘉玲今日晒出大頭相，相中見佢用App加咗一頂聖誕帽，增添節日氣氛，日前佢先同老公梁朝偉去咗日本旅行，嘉玲都有喺Ig story貼片，片中同朋友去六本木一間餐廳食爐端燒，偉仔更不時同友人傾偈。

夏文汐就喺微博貼出同囡囡嘅合照，用手機App扮鹿仔，相當可愛；Edison家姐陳見飛今日喺Ig貼出姪女合照，原來佢去咗LA過聖誕。

蔡思貝、湯洛雯、岑杏賢及楊秀惠齊齊去咗瑞士旅行，蔡思貝今早喺微博貼出四人相，留言：「Just landed!記得以前有幾年聖誕都係瑞士滑雪過，嘩!重回舊地!!」湯洛雯都有喺Ig貼相，寫道：「平安夜快樂，我哋四隻騎呢怪，今日我哋唔係龍，因為我哋唔係a龍，we not alone!」

精選娛聞，喺晒《娛果》
http://fb.com/appledailyent