人有相似,何況係圖?但如果太似,難免有抄襲之嫌!灣仔區議員楊雪盈喺fb貼圖,一張係佢嘅辦事處舉辦嘅「有糭大坑」活動嘅宣傳圖,另一張係新民黨青年委員會副主席、落選港姐劉聖雪招募派糭義工嘅宣傳圖,雖然用色不同,但格式風格近乎一樣,楊雪盈以〈鳴謝新民黨落選港姐參考雪盈辦設計〉為題帖文,佢話議辦製作嘅圖5月4日已經發佈,「感謝」劉聖雪欣賞佢哋嘅設計,「不過我們希望劉小姐能尊重知識產權,『參考』我們創作部同工作品前可事前告知及得到批准」,仲誠邀劉聖雪和新民黨同佢哋聯絡,交流創作心得咁話,又hashtag「希望佢(劉聖雪)啲粽料好似佢抄得咁足就好」。