上個星期香港因為受到台灣熱帶氣旋影響，一直都落唔出雨，又熱又焗，空氣質素極差，終於喺周末一口就黃色暴雨同雷暴警告，一晚就閃電3000次，喺條街度都咪話唔驚。

連詩雅上星期五喺赤柱拍MV《一走了之》，本來條街勁焗又熱，攝製隊預咗一架淋雨車拍MV用，點知拍拍下，突然天降大雨，連詩雅拍MV用嘅水同雨水溝埋，拍淋雨戲嘅連詩雅仲要冇帶打底衫，好彩，佢真係一世都夠運，佢件道具衫夠深色，先至冇濕身透brabra。

不過一班工作人員就夾埋玩佢，拍完一齊話佢件衫透，連詩雅接受本報電話訪問：「佢哋話我透，搞到佢我心離一離，我知自己大頭蝦，係囉！知道有落雨戲，但完全唔記得咗要攞多套衫去，好彩夜晚拍，之後無嘢做，唔係唔知點算。」