鄭嘉穎今日應邀到尖沙嘴出席護膚品牌活動,佢喺台上分享護膚心得:「最重要濕潤,唔好咁dry。」
嘉穎近年北上吸金,都有差唔多半年時冇喺香港露面。有傳佢成為「內地一哥」,仲講到50萬拍一集劇,兼豪擲三千萬買樓畀媽咪同家姐,嘉穎就謙稱:「搵兩餐啫,『一哥』係警察嚟喎,總之0依家做得開心,個人比較定啲,家姐同阿媽都買咗樓,好開心屋企人唔使擔心我。(身家暴漲?) 搵到食,唔使比較數字,係比以前好咗。 」
此外,嘉穎仲主動開口話想結婚生仔,嘉穎話:「組織家庭係需要,但唔係為結婚而結婚,0依家未遇到,預到啱就會結。」佢仲公開擇偶條件:「 要單身女性,同我夾,有智慧、聰明,以前會注重美貌,但人成熟咗,邊個80歲仲會靚? 」
《蘋果動新聞》新版App已經推出,居家遊行上街上網都咁方便,快啲更新,全民動起來!
立即下載↓↓
【iPhone版】 http://bit.ly/appledailyiPhoneapp
【Android版】 http://bit.ly/appledailyandroidapp