44歲日本男星袴田吉彥早前被爆偷食，佢今日發表聲明指與32歲太太河中愛已於本月初離婚，結束7年婚姻。袴田喺聲名提到與太太長時間談論過後決定離婚，今後會盡好爸爸責任，所有事情以囡囡為先。

袴田喺2010年與曾屬水着偶像嘅河中愛結婚，長女喺2011年出世，不過佢喺今年初被爆搞婚外情，小三青山真麻爆料向傳媒公開袴田完事後熟睡嘅照片，仲大爆同袴田開房10次，但其中7次都係到廉價酒店，袴田仲會用會員卡儲積分，相當孤寒。