【新增內容及圖片】
韓國天團BIGBANG自從成員T.O.P上月入伍後，其他成員就專心於solo活動，各自各精彩，當中太陽今日就單拖秘密來港，不過仍然被韓國粉絲於仁川機場捕獲到。

太陽今早戴上黑色口罩現身韓國仁川機場，雖然佢都想保持低調，不過見到粉絲時仍有友善揮手，而太陽是次飛嚟香港嘅行程非常神秘，未知係工作抑或私人旅行。另外，唔少粉絲都表示太陽肥咗，唔通係因為跟女友閔孝琳感情穩定而幸福肥 ?

下晝太陽飛抵香港時，亦有港迷去接機，由於太陽唔係行VIP通道，所以佢出閘後就慢慢行去停車場，更一路行一路跟粉絲用英文傾計。上車後，太陽更特地伸手出車窗，向粉絲派心心。

而G-DRAGON（GD）噚晚就於韓國出席活動，同場有同公司嘅Sandara及CL，於公開嘅短片中，見到GD跟朋友傾得勁開心，更不時大笑。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。