咁Richard有啲乜嘢得着呢?番薯丸就點都唔肯講,只係話睇吓年中開始市場嘅變化就知。但就補充話Richard每逢有大動作嘅時候,就會四出「問道」,咁𠵱家經已係8月,好似仲未見到李生有乜風吹草動,唔通今次係比舊年賣8號仔更大嘅動作?需要更多時間部署?
冇辦法,華華都惟有請教吓人,問一名番書仔,佢話四個學者嘅專長都係搞宏觀經濟同財務市場,若果見晒四個睇怕都係講資金流向同埋企業信貸,所以佢估會同美次按風暴有關,Richard係咪咁勁,華華真係唔敢講。
噚日對番薯丸原來仲有另一個意義,就係會考放榜,原來當年讀九龍華仁嘅袁天凡亦係高材生,會考中文、數學同物理都係揸火箭。佢仲以典型香港仔心態勉勵大家,讀書同做嘢都好,要爭當然要爭第一,若果每次只係抱住攞第二就算嘅心態,永遠唔會成功。當然,若果最終只係攞第二,自己都會好開心,因為知道盡咗力,最緊要明白「youarethebest」嘅道理。
[email protected]