【第37屆港姐亂噏闢謠北海道直擊】候選港姐昨日在北海道拍攝外景，雖然今屆佳麗質素認真麻麻，但仍吸引不少日本人圍觀。至於被爆搭上有婦之夫的「奀茄楊崢」6號黃嘉麗，昨日否認其事之餘，更聲稱自己從沒拍過拖，若芳齡24的黃嘉麗至今仍守身如玉，豈非可封她為港姐聖女？

十位候選港姐與嘉賓胡杏兒及陳倩揚，昨日在北海道拍攝外景，大隊先在余市的KiroroHotel進行中式及日式拜神儀式，穿着短裙仔的陳倩揚搶盡風頭。之後佳麗到山本觀光果樹園摘士多啤梨，又到小樽運河坐人力車，忙個不亦樂乎。

9號袁嘉敏親近日男

一眾佳麗在小樽拍外景期間，惹來不少日本人圍觀，「娘版黎淑賢」9號袁嘉敏更獲一日本男士邀拍合照，不過，袁嘉敏表現得相當熱情，合照期間竟將頭靠向該日本男士，即時被保母阻止說：「你同人影相冇問題，但唔好挨埋去，企定定影。」
本報日前接獲讀者報料，指自稱準博士的「奀茄楊崢」6號黃嘉麗搭上有婦之夫，靠關係讀博士。昨日記者向黃嘉麗了解時，她說：「我碩士畢業，未開始讀博士。」問是否有人幫她交學費？黃嘉麗說：「我喺英國讀書有做兼職，屋企都有幫吓手。」

杏兒睇好4號劉倩婷

記者再追問黃嘉麗是否有男士幫她交學費時，她語氣堅定說：「當然冇呢件事。」會否因得罪人被整蠱？她否認說：「冇可能，我冇拍拖，亦從來冇拍過拖，有老婆嘅男士我更加接受唔到。」現年24歲的黃嘉麗聲稱從來沒有拍過拖，豈非她24年來也守身如玉，仍保處女之身？
此外，問胡杏兒今屆候選港姐被批評質素差時，她說：「慢慢就會靚，有幾個都幾靚、身形幾好，好似4號劉倩婷都唔錯，幾熱情同友善，性格幾適合呢行。」對被胡杏兒大讚，劉倩婷說：「多謝佢，好開心，有機會都想喺呢行發展。」
採訪、攝影：王崇穎

各位讀者如果認識十位入圍港姐，知道她們的底細，歡迎電郵mailto:[email protected]報料。