【目標做歌、影、視三棲藝人】齊蔭造型要keep到40歲 簡淑兒期待少女標本再合體
少女標本簡淑兒齊蔭
組合少女標本成員簡淑兒(Jessica)近年都忙住為大台拍劇
其實佢都好期待同成員許雅婷(Kabby)及袁紫僑(Coco)合體
組合少女標本成員簡淑兒(Jessica)近年都忙住為大台拍劇,好耐都未試過用歌手身份出現,日前佢喺觀塘接受本報專訪時,笑指被好多朋友問仲有冇少女標本。Jessica話一直等緊公司安排:「我自己最想可以歌影視三線發展,因為我真係好鍾意唱歌,真係有啲耐冇唱,連自己首歌都唔記得點唱,跳舞都係,有一排冇跳會生疏。」
不過藝人總是被動,問到幾時可以同許雅婷(Kabby)及袁紫僑(Coco)合體?佢話都係等公司安排:「佢哋喺內地拍劇,都好耐冇見,不過女仔見返就會多嘢講,都唔擔心會生疏。」
佢仲話如果可以想一嘗獨立發展嘅滋味,因為做組合始終會有個框框,如果單飛發展就想走型格路線:「其實我好鍾意R&B再加Rap,同埋想試下唔好再齊蔭,不過經理人話40歲之前唔使諗。」