徐濠縈及黃偉文今日出席尖沙嘴舉行嘅珠寶活動,提到老公陳奕迅喺新碟封面中,化身裸體石膏小便兒童,不過因尺度問題,內地版有黑仔格仔。阿徐自言心思思有意將「冇格版」封面放在微博,問她會否擔心被「河蟹」?阿徐笑道:「我未試過喺微博被河蟹,被人鬧就有。人人有言論自由,網上做每件事都有人鬧、有人踩、有人讚,要睇番當時發表嘅意思是否達到自己目的。我曾經試過被誤會鬧人,所以依家網上多數放跑步之類嘅輕鬆事。」
徐濠縈晚上亦有在中環藝術之夜,同場的潘楚穎被問到「棉花公主」之稱嘅媽媽楊敏德,喺越南的製衣廠被焚燒,潘楚穎透露媽咪目前身在香港,並謂:「我呢幾日都有跟進,雖然係唔開心,但係都好感動,其實廠入便已經亂晒,不過嗰度啲同事都返工,仲話舉牌保護我哋嘅家,0依家最緊要係盡快整番好間廠,提供一份工作俾佢哋。」