近年有唔少無綫靚女主播離巢，喺勁缺人手情況下，靚仔都有著數。王俊彥喺去年就由大台記者「升呢」調任做大台主播，前日更小登科迎娶有線財經主播黃佩琳(Willa)，並於ig貼上結婚相，一對新人喺機場維修區手拖住手，非常之sweet。

王俊彥留言﹕「天氣就是預期。1星期前預測仍然大霧潮濕，擔心到一個點。係念力，天氣先咁靚。3月17日.春.」王俊彥自爆喺台上感觸落淚，自己都怕嚇親親友，佢留言﹕「要道謝既不止於台上所言，希望淚水唔會嚇親大家。兄弟姊妹實在唔話得，一直趕rundown，試過落後好多又唔知邊度追返。攝影團隊專業細緻，去到呢度影相太鍾意了，好想睇相。」今日佢再喺ig story貼上太太食早餐嘅相，背景又係機場，相信佢哋準備去蜜月旅行。

精選娛聞，喺晒《娛果》
http://fb.com/appledailyent