法國街頭藝術家SpaceInvaders最近再度來港獻上塗鴉，為香港這個石屎森林、文化沙漠增添生氣，偏偏港府僵化又官僚，鏟都鏟唔切，大部份港人睇都未睇過，有趣的塗鴉已經消失。《蘋果》昨日都只能夠為兩三幅SpaceInvaders作品留影，呢個時候正正係網民展現力量、集思廣益嘅好時機，如果你行過街頭巷尾，發現SpaceInvaders作品，可以影低貼喺《蘋果》facebook篇相關文嘅回應度，至少可以透過圖片，保留呢啲作品，等港人都可以欣賞得到。

《蘋果》facebook專頁：
http://on.fb.me/1fkaoXh

香港政府部唔識寶，將充滿活力嘅藝術品藝術剷走，網民同本土藝術家都鬧爆，其中都市藝術家Pantone認為，有關現象代表香港嘅藝術教育仍停留喺中三程度，大部份人只識用金錢衡量藝術價值，「如果今次冇傳媒報道，我相信好多人都唔識邊個係SpaceInvaders」。佢認為藝術就係生活，唔可以用錢衡量作品嘅價值，「而係睇作品背後想表達乜嘢訊息」。

Pantone指出，SpaceInvaders喺街頭藝術界屬神枱級人物，作品以象徵七、八十年代的食鬼遊戲、功夫少子等為題材，「俾大眾緬懷一番」。

網民都批評港府推動藝術得把口，或者只會亂使錢，街頭藝術唔識，只識「語言偽術」。喺大量網民評論中，《蘋果》facebook專頁其中一則最多人like嘅網民留言係話：「若果唔一人一票選番我哋自己個政府出嚟，香港必定玩完。」

「蘋民」點睇：
LingLam：香港政府真係好小家。
StevenCheng：香港政府只會懂偽術。
TonyYang：急急鏟走689好過啦！
LouiszenYip：寧可用幾千萬在西九放一篤屎，都不要免費街頭藝術！
燊燊：香港人無創意？定係比政府搞到無地方發揮創意？
AlfredYeung：藝術，香港正苦識條x咩！