龍小菌經理人邵子風今日同女友楊詩敏（蝦頭）喺荃灣出席一個求職活動，講到ViuTV節目《晚吹─總有一隻喺左近》，嘉賓暗示佢係是非精，而邵子風又第一時間喺節目播出之後打咗篇千字文，今日佢話：「對於陳小姐(陳淑蘭)主持，一個主持立場偏頗要申報，而佢點偏頗大部份人都睇到，我評論一向都公開，無暗啞底暗示去講，正面評論都叫是非鬼，咁可能大家水平有距離。」

對於事件再成鬧劇，佢話喺指兩日前收到ViuTV節目人仕以Whatsapp邀請上節目受訪，內容係講「小氣鬼」：「對於佢哋台（ViuTV）偏頗立場，單憑嘉賓講嘅意見而無預約我去做，因此我唔會接受蘭子邀請講其他新題目，若果係用番噚晚節目內容去對質，我絕對願意去做。」