LMF開騷至中段，MC仁突然上台，好凝重同台下觀眾講，話場內有人擲樽，仲擲親個女仔，受傷女仔上咗白車。MC仁好認真咁講：「你哋(台下觀眾)係咪想cut騷，你哋係咪覺得好X好玩。」傑仔亦對台下呼籲話：「唔好再發生啦吓！」

記者事後喺場外見到白車同警察，而大會公關亦證實有女仔受咗輕傷，有朋友陪同去咗醫院，但擲樽嗰個人，就搵唔到。

完騷做訪問時，MC仁就話：「真係好嬲，唔知有咩咁好玩，拉到擲樽要坐9個月監，陣間叫689去探佢啦，人哋擲嘢都要坐9個月，o依家擲樽喎，都要坐9個月監呀！」

記者問LMF第二場有咩嘉賓，佢哋就抵死話：「聽日有689，到時應該全場人向佢擲樽！」