今晚（21日）快活谷賽事用C跑道，度地儀指數2.70，場地掛牌為好地。如天氣情況許可下，將按計劃在第四場後進行壓地。

睇番最近2月21日同一移欄賽事，亦是掛牌好地及度地儀指數2.71，當晚居中後上馬唔算蝕底，尤其中段及打後場次就更明顯，分別有「海利多」、「川河領駒」及「勇冠王」後上建功，後兩駒更加抄外叠衝贏，所以不宜過份側重內叠前置馬。

今戰列陣馬中，第六場「川河領駒」上仗正是於2月21日谷草C欄贏馬開齋，等番同一移欄再跑應有心求添食。

另外，第二場「金飯碗」跑谷草C欄曾獲一冠一亞，亦係全場唯一贏過此移欄之參戰馬，憑較佳跑道性能可秤先。