據日本傳媒報道，首相安倍晉三周二晚上聯同東京都知事小池百合子及日本奧委會主席森喜朗，透過電話視像會議向國際奧委會（IOC）主席巴赫提議將東京奧運延後至2021年舉行。在去年游出A標拿下奧運入場券的歐鎧淳直言訓練部署大亂，更擔心要重新再爭一遍奧運資格。

香港泳隊的歐鎧淳在去年新加坡世界盃的女子100米背泳游出1分00秒22，達A標並直取東京奧運資格，將四度代表香港征奧。東京奧運若延期，這位27歲女將直言擔心資格有變：「其實擔心奧運延期，係擔心要重新達標，唔知有冇呢個需要。」她續指不少運動員已調整狀態，準備在2020年的奧運交出最佳表現，但她已做好心理應付一切情況，待有新消息也會迅速應變，「重新再做多次，唔知可唔可以做到，但我都對自己有信心嘅。」

歐鎧淳在去年12月底曾到澳洲集訓，並於三月頭返港，她指受武漢肺炎疫情影響，訓練成效也大打折扣，加上原定4月在港舉行的長池游泳計時賽未知能否如期進行，令她部署大亂：「本身今年去澳洲係為咗4月游一個好成績，突破到自己嘅（最佳）時間。依家唔知會唔會有呢個比賽，而之前嘅訓練又因為疫情，唔係好做到一百分。」她續指，奧運押後一年的話，教練指現階段不會進行高強度的練習，只保持一定練習量維持狀態。

記者﹕許嘉明

-----------------------------
【武漢肺炎】專頁
全民自救 抗疫資訊盡在《蘋果》
--------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
--------------------
【撐學生】召集有心人 撐學生全年睇《蘋果》
立即按此
--------------------
《體蘋果》陪你睇波講波
https://www.fb.com/appledailysports