當年今日
關於我們

隔牆有耳:擬直播嫦娥太空館撻Q - 李八方

蘋果日報 2007/10/24 00:00


嫦娥一號衞星今日升空,雖然美國人幾十年前已經登月,但中國人就未試過探月,所以好多人表現興奮,香港太空館都湊熱鬧,整咗啲介紹「嫦娥」嘅展版同圖片,市民有興趣可以睇睇。
據知太空館想直播衞星發射升空過程,但由於技術問題,截至噚日都未知可唔可以轉播中央電視台訊號,所以好大機會直播唔到。唔通電視轉播技術複雜過上太空?大家都係留喺屋企睇電視穩陣啲。上次中國人上太空,有關方面請楊利偉嚟香港,幾場大騷搞大佢慶祝,港府暫時對「嫦娥」未有反應,可能認為等任務順利完成先大搞都未遲。