42歲嘅台灣女星林心如日前去咗青島，出席咗一個電影節活動，同場有周迅、白百何等女星，林心如就一身紅旗袍靚靚示人，佢嘅林心如工作室就喺微博，就貼咗幾張佢喺戶外夜景相，張張當然都好靚，不過就有一張嘅嘅夜景零舍「光」，就惹來風波，被網民公開爆粗鬧未P圖好色調就出街，搞到心如要喺微博回應網友，有人爆粗佢就留言：「能好好說話不？」之後更留言維護同事，她表示：「並不是這樣的！大家都很認真的在工作，也請多多諒解小伙伴啊。」

一波未平，一波又起，心如喺活動入面就喺台上做頒獎嘉賓，落到台下又「出事」，被傳媒影到佢面容拉曲，當中法令紋相當明顯，圍住嘴附近的皮膚驚現唔少坑紋同雙下巴，同佢之前嘅工作室靚相落差好大（慎入，圖片連結： https://bit.ly/2K95g3x ），不少網友都覺得相當驚嚇，留言「可以演鬼片了」、「真的很不一樣！老幹部霍建華都認不出來了」、「女神變女鬼」等。面對網民負評，心如EQ甚高，就喺微博貼咗自己《環珠格格》表情包，喺相打了：「這拍的是我嗎？」、「我什麼都沒看到」，之後再留言：「理智告訴我要心如止水，但真情實感卻是心如刀割，還能說什麼呢…保持微笑吧」。

精選娛聞，喺晒《娛果》
http://fb.com/appledailyent