日本長壽動畫《寵物小精靈》由97年播出之後一直大受歡迎，隨住手機遊戲《Pokémon Go》掀起全球捉精靈熱潮，令比卡超人氣再創高峯，由比卡超配音員大谷育江萌爆演繹嘅《寵物小精靈XY&Z》全新片尾曲《比卡超之歌》，近日喺網上大熱，成首歌由頭到尾都係唱「比卡超話」，成為新一代洗腦歌。

比卡超熱潮有增無減，日本今日起喺橫濱就搞一個名為「~PIKACHU the Parade~」嘅活動，由7日至14日為期一星期，呢段期間喺橫濱區內會有千隻比卡超出巡四圍走，亦會定時定候巡遊及跳舞。今日首天就吸引約5000人到場捉比卡超，而為《寵物小精靈》電影版配音嘅人氣女星松岡茉優都有參與活動，而轉型做主播嘅Morning娘舊將紺野朝美，都代表東京電視台現場，場面墟冚。