周三谷草賽事各駒排檔及配搭已於今早公佈，有位練馬師嘅參戰馬全部排晒一檔起步，邊個咁好運？咪就係鄭俊偉囉！佢今戰兩匹參戰馬頭場「有意思」及二場「超群名駒」都抽到黃金一檔，兩駒上仗分別配蘇狄雄及莫雷拉入位，今次雙雙換上馬房愛將杜利萊壓陣，堪稱人強、馬勇兼檔佳，其中「有意思」試過一次排一檔起步即入位，上周三跑完匆匆再戰，擺明想趁弗求開齋，有力在禮拜三賽事先拔頭籌。