爆機狂迷：速試中文版《N3》索女劈足九十九夜

蘋果日報 2006/04/29 00:00

雖然XBOX360機主期待已久嘅超大作《Ninety-NineNights》（N3）已經推出咗日版，仲因為貨源唔多有啲舖頭早就SoldOut，搞到有人望門興歎。不過唔緊要，完全採用中英文顯示嘅《N3》好快就會抵港，為壯行色微軟專登搵咗呢隻傑作嘅創作人李相潤參與宣傳，筆者當然嗱嗱聲做個訪問，睇吓佢有咩正嘢同大家分享？

文：陳福榮
攝影：楊錦文
專訪大腦李相潤
《N3》係韓國遊戲廠商Phantagram繼XBOX《KingdomUnderFire:Heroes》之後嘅最新力作！為隆重其事今次中、英文介面的香港行版推出，韓國Phantagram的CEO兼創作大腦嘅李相潤，仲專程到港作介紹。
empty
■Phantagram揸Fit人李相潤親自示範《N3》。
有冇抄《無雙》先？
講到訪問中最過癮之處，就係場中記者追問《N3》好鬼似《無雙》呢個問題！以中國人嘅傳統，即場記者問得幾婉轉吓，連對方Game名都無提，不過李氏即時回應是相當企硬：「全無抄襲成份！」有人覺得《N3》標榜住以一敵千，但欠缺了斬敵時實在感覺，往往四面受敵亦唔知自己劈緊乜？佢就回應話：「要喺畫面上完全顯示上千敵人真係唔容易，係非戰之罪。」筆者覺得呢點真無可否認，不過就算周圍都係敵人畫面都唔窒唔花，都算表現到功力。
empty
■擅用火魔法的Myifee是較有特色的角色之一。
empty
Myifee
empty
■必須攻破Inphyy所有版面才可Unlock其他角色。
empty
■Tutorial模式容許玩家任意試招。
empty
■版圖設計差異很大，在茫茫白雪中令攻擊特效更突出。
7大角色難度逐步提升
唔知各位玩《真．三國無雙》之類遊戲有無發現，就算有幾多個角色都好，可能Ending以及武器長短稍見分野，基本上故事架構同玩法都真係無乜大差別，要爆晒40幾人再加埋各個難易度絕對係一件苦差。《N3》喺呢方面就好體貼，佢並無喺Option度讓人改變難度，起初只有Inphyy唯一一個角色可供選擇，由最易玩及最易上手嘅人物開始，只要爆機就可以逐步替其餘角色解封。而佢哋亦因為武器長度、性質以至敵人AI調整等變得愈嚟愈難玩，等大家透過不同角色嚟了解整個故事發展，順便提升難易度令重玩多幾次合理化。
empty
Tyurru
仍有改進空間
睇番遊戲世界觀，佢無將騎馬同戰車等元素加添在內，集中精力將啲招式整得更為華麗，又唔會俾到人好濃厚嘅《無雙》感覺，令人誤解。佢嘅RPG成份同過場畫面演出真係一流，唔用播片都做到靚到爆燈嘅人物演繹，尤其係Inphyy個胸口同一身金屬感極重嘅盔甲簡直使人歎為觀止。可惜敵我角色喺太過真實嘅光源下好難辨別，搞到成日都唔知仲有幾多死剩種，如果可以加入顯示敵人體力棒，就真係Fit晒喇。
行版所返嘅中英文版，最大分別係多咗用中文來顯示說明，可能有人覺得動作遊戲用咩語言無咩分別，不過由於《N3》地圖好大，有時殺到眼紅，都唔知要向邊個方向走，又或目標係咩，用中文就簡單得多，而且部份版圖或裝備解說都會使用中文，比日文版更容易掌握。可幸嘅係中文版只係將顯示轉用中文，配音方面仍保留日語，否則玩家可能更加「唔慣」。
empty
■Inphyy樣靚身材正，加上打開心口誰與爭鋒？
empty
■Inphyy的第一關頭目是Aspharr，擋格得宜即能輕鬆取勝。
預訂送水晶球加唱片
《N3》可以話係XBOX360重頭巨作，由於日版先出，加上貨量唔多，所以曾一度高炒$420-$440；至於香港行版方面，終於正式定下日期，據知已定下5月尾推出，而且介面仲使用了更Friendly的中、英文顯示，等得者真係冇理由捱貴Game！
而且由即日起至5月28日，只要到特許零售商預訂行版《N3》（$299）加無線或有線控制器一個，仲可以享有兩份相當別致嘅禮品，佢哋分別係別注版《N3》造型座枱水晶球，同埋收錄咗由韓國女歌手BoA唱出主題曲《YourColor》嘅原聲唱片，不過數量絕對有限，送完即止，想擁有一定要快手！
empty
■收錄韓國小天后BoA獻唱主題曲的原聲大碟。
empty
■以Inphyy為題材的精緻座枱水晶球。
機種：XBOX360
廠商：Microsoft
類型：動作
人數：1人
發售日：5月尾（行版）
價格：$299
empty
empty