【調查殺人案】木村拓哉化身PS4新遊戲《Judge Eyes》主角
木村拓哉Judge Eyes : 死神的遺言
《人中之龍》遊戲總監名越稔洋宣佈出新遊戲《Judge Eyes : 死神的遺言》
日本男星木村拓哉與太太工藤靜香嘅15歲細女光希(Koki)出道,令兩人再度成為新聞人物,加上木村新片《檢察狂人》正在上映,其曝光率於近日可謂相當高,現時連電玩遊戲都見到佢。
《人中之龍》遊戲總監名越稔洋今日出席記者會,宣佈木村拓哉會演出PS4偵探遊戲《Judge Eyes : 死神的遺言》,呢個遊戲主角係私家偵探八神隆之,佢因連續殺人事件而辭去本身嘅律師工作,從而展開調查。主角八神隆之將會採用木村嘅形象,木村亦會為呢個Game配音,中尾彬、瀧正則、谷原章介同瀧藤賢一等熟悉面孔,亦會喺遊戲中出現,樂隊[ALEXANDROS]就負責配樂。《Judge Eyes : 死神的遺言》將會於12月推出,木村拓哉以遊戲角色造型,同埋中尾彬等演員都有現身活動。
此外,《週刊文春》繼日前公開由女性讀者選出嘅「最討厭女名人」,結果由工藤靜香奪冠。今日再公開由業界人士選出嘅「最喜愛尊尼藝人」同「最難搞尊尼藝人」,竟然兩項調查都由木村「勝出」。「最喜愛尊尼藝人」頭三甲分別係木村拓哉、生田斗真同中丸雄一,而「最難搞尊尼藝人」排喺木村後面,就分別係櫻井翔同松本潤。
精選娛聞,喺晒《娛果》
http://fb.com/appledailyent
《Judge Eyes: 死神的遺言》主角八神隆之將會採用木村嘅形象