【前無綫新聞王子】柳俊江曾被高層阻撓採訪「保衛粵語活動」 嘆言論自由收窄
蘋果日報 2019/09/14 17:45
1圈圈 星光背後柳俊江袁志偉離開TVB
（資料圖片/無綫電視截圖）
7.21元朗恐怖襲擊，數以百計的白衣人將西鐵站染紅無差別毆打巿民，警方被指讓路，巿民求助無門。當晚受害者之一，正正是一心義載被襲巿民離開的前新聞王子柳俊江，原來受傷當晚，就連柳俊江本人都沒信心到公立醫院求醫；事發至今，他亦因種種原因無信心報警求助，舉報兇徒。
柳俊江日前接受商台《1圈圈 星光背後》訪問時解釋：「我諗報警係一個正常舉動，但而家一個唔正常嘅環境下報警，似乎唔係一個合理舉動。7.21之前都見到其他地方，有受害者變成被告嘅情況，坦白講我都驚發生喺自己身上，因為真係講乜都得，而我亦唔係好相信，到現時為止有好公正嘅執法行動，有唔同人透過唔同途徑叫我報警，但我都係冇信心。」
千禧年代開始，靚女主播或者靚仔新聞王子均成為被追捧的對象，人稱柳爺的柳俊江03年浸會傳理系畢業正式成為TVB新聞部記者，更於08年採訪汶川地震一役令TVB新聞部名震國際，之後他攀上事業高峰成為主播，又兼任《新聞透視》主持。但他於2010年跟拍拖8年、於大學相識的太太Florence結婚，在差不多時間離開TVB，甘心放棄主播的光環。他說：「因為見到言論自由收窄，有啲話題，只不過係咪政治正確嘅嘢啫。例如當年廣州經常會有保衛粵語嘅活動，我留意咗好耐，我想喺新聞透視做個專題，因為呢件事會發酵，但竟然唔畀去。」
主持梁泰來問是否新聞部高層袁志偉阻止？柳俊江稱做人有厚道不會透露，但事件卻令他有所反思，說：「仲有其他大大小小事情，每年六四悼念都會受壓，同事都會反映有啲嘢又做唔到。你都話我喺電視台咩位都做晒，咁我之後做乜？既然輿論又收窄，我可以睇到嘅咪我可以做一個中層囉，一個中層唯唯諾諾，老闆講乜你就執行啲乜，唉，人生就咁樣過，倒不如出去嘗試其他嘢，毅然搵工走喇。」
主持梁泰來問是否被袁志偉阻撓採訪「保衛粵語活動」？柳俊江未有正面回答。
柳俊江在7.21為義載慘遭白衣人打傷，但一直不敢報警。（IG圖片）
柳俊江當日被打爆頭。（資料圖片）
柳俊江離開無綫後不久，便結婚及生小朋友。（IG圖片）