當年今日
關於我們

【師兄你點睇】推介一匹由我贏過嘅馬!(賴維銘)

蘋果日報 2019/06/26 08:00

賴維銘師兄你點睇金剛仔閃耀鑽皇

賴:賴維銘
記:記者吳文輝
記:以往好多華籍練馬師都對你十分支持,鄭俊偉Michael係其中之一,早前佢已經成功達標有16Win,今晚(26日)谷戰佢手馬其實唔錯,你點睇呢?
賴:馬房部署一匹馬出賽,通常要準備幾個星期,加上要向馬主交代,因此我相信只要馬匹有能力,都必然會全力以赴。
睇番Michael今晚戰馬陣容,我最熟悉當然是第二場四班1650米之「金剛仔」,因為自己贏過嘛!「金剛仔」有站穩三班能力,之前就在71分水平於我胯下勝出。
不過始終已屆八歲,要在三班同質新馬爭一日之長短太困難,評分順勢下調,如今落到四班56分,我認為有競爭力。
記:「金剛仔」今場排11檔,會唔會有難度?
賴:馬匹排大外檔幾時都係蝕章喇!不過跑馬地養草一段時間,內外叠跑道應該分別不大,後上馬唔會吃虧,加上「金剛仔」用到潘頓,相信係贏馬大好時機。
記:第五場三班1200米有幾匹今季贏過的馬匹列陣,形勢幾平均,你有無特別心水?
賴:正如你所講幾匹實力馬今季都贏過,部分加分都唔少,我反而想博一博冷門。蔡明紹騎嘅「閃耀鑽皇」今季未嘗一勝,但老馬於三班仍間中入位,未盡退化。
今場幾匹牌面馬都要靠搶放,步速有機會扯快,本來「閃耀鑽皇」如果落後太遠會不利,不過今場好彩抽到1檔,希望唔會太落後,本身於沙田對慣強手,今場跑入一席絕不出奇。
-----------------------------
7月4日起 《蘋果動新聞》只限升級壹會員閱覽
繼續撐蘋果!
empty
金剛仔