恒地(012)主席李兆基(四叔)嘅外孫女李敬恩(Kristine,右)早前高調現身,正式擔大旗幫恒地旗下投資物業重塑品牌形象,佢今日仲帶埋初出茅蘆嘅三妹李瀅(Jacqueline,左)出席旗下大角嘴新商場搞命名儀式,實行兩姐妹一齊多啲見大場面。
四叔長女李佩雯育有三女一子,大家姐Kristine嘅特徵係嘴邊有粒食癦,咁啱得咁橋,仔細望埋去,三妹Jacqueline左邊面都有粒癦,妹妹身形較姐姐嬌小,笑起上嚟樣子一樣甜。
Jacqueline今年22歲,細過Kristine約5年;佢跟家姐一樣,都係喺美國史丹福大學畢業,不過佢計劃新學年再度負笈海外,攻讀碩士課程,所以家只係喺恒地做暑期工,汲取工作經驗,由於係實習性質,所以會喺唔同部門學嘢。
詳情請留意明天「中環在線」