當年今日
關於我們

【股東會】信德未設發問環節 小股東舉到手都酸無人理會

蘋果日報 2019/06/24 16:00

信德集團股東會

上市公司股東大會,係小股東能夠同董事會直接對話嘅少有機會,但今日舉行股東會嘅信德集團(242),喺宣讀股東會議程及投票後,主席何超瓊就宣佈會議結束,可憐年長嘅小股東舉到手都酸,何氏千金同董事會成員都未有理會,去如黃鶴。
信德股東大會有超過一百名股東到場參與,場面墟冚,主席何超瓊及副董事總經理何超鳳均有出席,並由何超瓊主持會議。
一般而言,在宣讀議程及收回投票表格後,股東會主持都會表明進入股東提問環節或問一句「股東有冇問題?」不過,何超瓊在宣佈投票結束後,隨即同時表示會議結束,隨即離開,未有時間給予小股東提問。小股東反應不及,再舉手已無人理會,只能白白目送董事會成員離開,舉手舉足兩分鐘,始有信德職員發現,並主動向其查詢及寫下佢嘅問題,稱會事後聯絡補答。
該信德職員表示,以往信德股東會都大多設提問環節,今次會前亦有提醒何超瓊問問股東有冇問題,但可能佢趕住出席另一會議,因此忘記咗,稱下次會再提點董事會。
查實小股東山長水遠去股東會,部分真係關心公司發展,唔係想問「刁難」問題。好似今次咁,股東問嘅都係派息政策同公司未來地產項目,相信何氏千金都好樂意作答嘅。
記者:陳雪蕾
-----------------------------
7月4日起 《蘋果動新聞》只限升級壹會員閱覽
繼續撐蘋果!
https://hk.adai.ly/e/iIRREmuwDX