李施嬅、陳展鵬、天堂鳥BOP、Bingo成員關嘉敏（卡文）和陳康琪（Odi），今日到銅鑼灣為一家逆巿下開張的食肆擔任剪綵嘉賓，疫情下仍可搵外快。

李施嬅已完成劇集《今宵大厦2》拍攝，可以稍作休息，1月起程赴加拿大繼續拍攝英語劇集《Blood and Water》第3季。她已有心理準備踏入40歲生日和農曆新年在加拿大度過，豈不是十分寂寞？她說：「都OK嘅，同媽咪一齊過，媽咪喺多倫多，當地每日確診都過千，會帶定啲物資過去。」當地開工拍劇亦會做足防疫，眼罩、口罩、面罩，三重防護相信十分安全。

有傳陳展鵬有份主演及唱主題曲的劇集《唐人街》被抽起，令他再踏歌星夢粉碎，成就王浩信再攞視帝，李施嬅說：「唔會嘅，呢啲花邊新聞。」她認為王浩信演技獲大家認同，有機會再奪視帝：「不過商業立場會捧第二啲人。」似乎意有所指，問到是否合約問題？施嬅表示不知道，並重提當年她離巢時：「我走得好舒服，冇壓力，大家關係好好有挽留我，冇話雪藏，從來冇呢個經歷。」

此外好友胡杏兒在大陸節目《演員請就位2》獲獎，她興奮地說：「好叻，語言能力超勁，香港演員喺大陸節目可以贏同獲獎係好犀利，我哋為佢驕傲，等佢返嚟隔離後一齊慶祝。」施嬅早前親自作曲，希望可以製作一首新歌。

另外卡文和Odi參加《全民造星3》令知名度提升，2人有信心打入10強，卡文今日性感現身坦言自信心強，大笑說：「你見我今日着得咁性感，就知我心臟有幾強。」而Odi在節目初期屢被惡評，常被監製花姐及導師彭秀慧鬧，令她要重建自信，Odi在節目中曾提及在組合Bingo已4年，因有隊員離合，時常要重新出發，若今次比賽失敗，仍會再次出發，繼續在圈中發展。

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！