「祥嫂」洪金梅早前被指肺部出問題入院，今日約下午4時，鄧兆尊現身跑馬地養和醫院，對於祥嫂的情況，兆尊一臉鬆容地說：「佢係老人病、有少少唔舒服，多痰嗰啲。」有傳是癌症，兆尊即說：「如果係，我成日喺度啦！」有指兆尊四兄弟姊妹曾找腫瘤科莫醫生，兆尊表示：「佢哋又緊張，緊張就好自然搵最識嗰啲朋友，我個妹同好多醫生都friend。」問到祥嫂何時出院？兆尊透露：「我估都快，一個禮拜左右。」

提到祥嫂現時的精神狀態及飲食，兆尊說：「ok啦，最緊要精神，鬧到人就得喇！（有冇鬧你？）而家唔鬧，而家冇乜嘢，飲食方面犀利喇，原本4個鐘頭食一次，而家3個鐘頭食一次，佢食得豉油雞，你話佢有啲咩病呢！」

而兆尊又指祥嫂今次在醫院住了差不多一星期，期間也做了身體檢查，問到醫生有甚麼叮囑？他說：「醫生叫佢瞓多啲，其實老人家好怕入醫院，佢哋會比較緊張，好似推部機入嚟，佢就問咩嚟㗎？打咩針？所以放鬆啲就好快好番。」至於兩母子感情是否增進不少？兆尊說：「不嬲都冇乜點變，可能佢有自己鍾意嘅生活方式，我都同佢講，我電話唔會改，可以隨時打畀我。」

--------------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片！下一個爆料王就係你
https://bit.ly/2Guolu9