仁濟醫院董事局今日喺荃灣舉行新春酒會，主席梁昌明率領董事局成員出席，而身為顧問局主席唐尤淑圻亦有現身。

而林建名女兒林煒珊加入董事局就快十年，未來一項重要任務就係肩負仁濟主席一職，對此林煒珊未知確實時間，佢話：「只希望到時再貢獻社會幫吓人，因為近年社會風氣唔係咁協調。」

身為一位媽咪，佢指日後會對照顧兒童事務再做多啲，另外長者社福亦會關注，以往都試過帶女兒參與傷健人仕活動，可能女兒年紀尚細，而且中文程度唔高，仲未懂得點溝通，會等女兒再大啲先繼續帶佢參與公益活動。