工聯會立法會議員王國興表示,日前曾去信文華東方酒店要求勞資談判被拒,「全世界都以為佢係好老闆,佢呃晒全世界。」他指出,資方以酒店員工「未必適合新技術」為由解僱三十一名員工不成理由,他們年資全超過七年,「有啲工友到年底嘅公積金就會由十三萬變成廿一萬㗎啦,我哋質疑佢想慳返啲公積金。」
年逾四十歲的Apple在文華東方從事洗碗工作十四年,「我出年嘅公積金就雙倍,佢𠵱家炒咗我好唔抵。」作為家中經濟支柱,且有三名長者及三名子女要照顧的她表示很彷徨。
勞資雙方昨進行了兩小時的會議,會後未有結論,資方承諾會討論工會復工的要求,雙方下周二會再進行會議。昨日會議前資方禁止記者進入辦公大樓,有工會代表指摘資方「有好嘢就話晒畀全世界知,負面嘢就將啲記者拒諸門外。」