潮流興復古，就連賭馬都係。

於60年代，有所謂「科加士」（Forecast）彩池，投注順序選中頭二馬就收錢，類似現有的連贏位彩池，不同的是後者唔使馬匹順序。

「科加士」停辦半個世紀後，今季換個新名翻生叫做二重彩，同現時三重彩、四重彩異曲同工，而且與單T結合為合併彩池，以提高馬迷所得回報。

其實二至四重彩就好似小朋友玩搶櫈仔咁，有四張櫈仔畀五個人爭，每個round順序有第一、二、三、四名。

跑馬仔亦一樣，每場馬跑出頭四名，順序選中頭兩名即中二重彩，頭三名就中三重彩，頭四名則中四重彩。

每場賽事只得一匹頭馬（平頭另計），選中埋跑第二係邊隻好有挑戰性。

「科加士」於外國好流行，在英國同日本都有。

馬會近年推展匯合彩池，將外地注碼匯入香港，二重彩可謂啱晒外國馬迷口味。

唔少老友記都贊成復辦二重彩，年過80的資深馬迷周先生話當年每場賽事只得幾隻馬跑，「科加士」好易買中，馬迷好有成功感。

當年六駒或以下就開「科加士」，七駒或以上則開連贏，之後因出賽馬越來越多，「科加士」於1979年起取消。

勢估唔到相隔41年，「科加士」又同馬迷見面，並於今午（6日）開鑼沙田賽馬日所有場次都有得玩，祝大家好運！

-----------------------------

邊個話財不入急門？

​需要周轉嘅時候幫到手，先叫做應急囉！

邦民日本財務急你所急，只需要一個手提電話號碼同一張身份證#就可以申請貸款。

新客仲有迎新現金獎高達HK$5,000▲添！

貸款額全數過戶，絕無手續費。

立即申請 : https://bit.ly/2UlZfUU

推廣期由2020年9月1日至2020年10月31日(包括首尾兩天)

須受條款及細則約束，詳情留意邦民日本財務(香港)網頁。

忠告：借錢梗要還，咪俾錢中介

放債人牌照號碼：1140/2019

查詢及投訴熱線：3199 1199