張繼聰、陳庭欣（Toby）、張建聲、霍啟剛夫婦與陳漢娜等，昨晚於九龍灣出席電影《逃獄兄弟》首映禮。提到有傳太太謝安琪（Kay）太肥而惹怒已簽約的纖體公司，最終解約而失掉七位數字酬勞，阿聰力撐說：「佢好努力keep住做運動，好弗好健康。工作上嘅嘢畀佢自己交代，佢對工作係好認真、好專業嘅，佢會好努力準備自己。」至於Kay跟老闆麥浚龍關係決裂，張繼聰說：「更加唔關我事，做老公嘅要確保關係和合、相親相愛。」問到Kay心情會否受影響？他說：「老公嘅責任係長期令老婆心情愉快，佢處理事情上已經好成熟同埋專注。」

Toby有米男友楊振源（Benny）最近捲入謝可逸與失婚婦方潔盈（Jathy）的「桃色事件」，有指當時懷有第二胎的Jathy曾想屈Benny「食死貓」，Toby說：「我唔係直接識個女仔，如果真係都係幾年前嘅事。」問到男友會否感到生氣？她說：「如果確實嘅話就會唔開心，但係都唔知道係真定假。」至於問到男友有否向她解畫？她說：「冇乜特別需要。」