平日下午，西環第二街一片靜謐，但在街角一隅屹立超過30年的華爾登餅店依舊人頭湧湧。一如大部份顧客，首次光顧的陳先生也是專程過來排隊購買月餅：「我話『五大訴求，缺一不可』，我都係講我想要煎釀三寶、白粥、油炸鬼啫。我唔講政治，只講人權，佢開舖我幫襯，唔到人管喇啩。」

對於同路人的鼎力支持，二代店老闆Naomi不感意外。華爾登餅店是最早表態支持運動的黃店之一，其「黃到金」的形象一直深入民心。兩年前，她推出在月餅寫上「X你咩哈哈」等字句的「粗口月餅」，結果大受歡迎。去年呼應反送中浪潮，一向敢言的她在月餅上明志，推出「自由西」、「不撤不散」、「記你老母」等金句月餅，同樣獲香港人「大力懲罰」。

來到今年，Naomi卻因同路人的支持而份外感動。7月底的某個深宵，她在華爾登餅店facebook發帖，表示她突然獲物流公司通知，早前她在廣州訂製了大批印有「加油」及「舉中指」的貓咪圖案的黑色月餅鐵罐被扣關。晴天霹靂，不僅因為事件令她損失慘重，更惹來網民非議，批評她在廣州訂貨。

痛哭一晚後，Naomi決定把黑色貓貓加油鐵罐改為貼紙版本，若已訂購月餅的客人未能接受可全數退款。怎料，帖文一出，大批網民為餅店加油，紛紛留言指「冇盒都會買」。同路人紛紛成為課金師，不只每天塞爆華爾登餅店，就連Naomi在市集擺賣的月餅也馬上被搶購一空，「我一去到見到條人龍就覺得好尷尬，因為我當時手上得40盒月餅！」

Naomi仍然想不明白鐵罐遭扣關的理由，畢竟她自今年1月起已一直使用這款鐵罐包裝曲奇。她只能猜想是《國安法》的影響：「原來依家香港已經容不下一句『加油』。」她形容，今年刻在月餅上的字句比去年「冇咁踩界」，少了抗爭口號，「都係『堅持到底』、『我愛香港』、『撐落去』呢啲，正面少少應該冇嘢喇啩？」《國安法》底線不明，但她仍會在有限空間大聲疾呼：「咁咪繼續做自己做到嘅嘢囉。我真係好鍾意香港，冇錯㗎係咪？」

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！