泰臣近年由舞台劇演員轉戰到幕前踏足影視圈，參與不少銀幕和電視演出，擅長擔演誇張搞笑角色，不過近日受疫情影響，搵食艱難，大半年冇劇開，靠做幕後工作維持生計，慶幸7月頭可重踏台板，參演兒童主題舞台劇《實習魔法師的生命練習題》，泰臣和劇團今日在黃大仙綵排。

舞台劇原定演出5場，其中兩場是免費學生場，但因疫情影響取消，剩下3場售票場，泰臣說：「仲要場地指引要隔行坐，冇咗一半觀眾，但安全為主，戲院帶頭做咗，大人接受先會帶小朋友入場。」令劇團有一定損失。

泰臣今年絕跡電視螢幕，沒有新作見街，以為他和大台合作告一段落，他說：「唔係，我自己有經理人，同無綫有另一種合作形式，不過事實舊年9月拍完劇到而家都冇劇開，都驚係咪得罪咗人定咩事呢！定係佢哋嚴選角色或要留返畀親生仔呢？希望可以快啲有劇拍，巿道好啲啦。」泰臣坦言冇工開感失望，至於是否被投閒置散？他無奈：「都擔心，冇作品出街，難以令人記起我。」幸好泰臣在疫情期間仍有策劃、配音等幕後工作支撐，他笑稱：「吊住命。」不過就戥同行師弟師妹慘：「學校、社區中心、好多場所都喺疫情時關閉，佢哋連教堂都做唔到，真實零收入，希望所有嘢快啲復甦。」

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新