許冠傑4.1悼念張國榮 李克勤獻唱《為你鍾情》
蘋果日報 2021/03/24 15:29
張國榮許冠傑李克勤鄭丹瑞哥哥
鄭丹瑞（阿旦）的《健康‧旦》早前公佈，獲得張國榮前經理人陳淑芬及至愛唐鶴德（唐唐）的應允，將於4月1日張國榮「哥哥」忌辰當日，晚上7點半播放《想你 張國榮》音樂會。繼莫文蔚、張智霖答應擔任演出歌手後，阿旦今日在網上平台再公佈邀請到許冠傑（Sam）、李克勤及來自美國的無伴奏人聲樂團Metro Vocal Group演出，而香港浸會大學音樂系成員亦會參與演出。《想你 張國榮》音樂會於YouTube Superchat籌得的善款，將不扣除開支，全數捐贈「惜食堂」買米製作飯餐，幫助有需要的人士。
李克勤接受阿旦訪問表示：「我同哥哥嘅相處，曾經有一段時間，因為一啲共同朋友，大家有聯絡見面食飯唱K，印象最深刻一次唱K，哥哥處於封咪階段，感覺好似中咗獎，能夠喺卡拉ok裏面聽得到喺舞台上面封咗咪嘅哥哥唱歌，記得嗰時佢話：『喂，我唱你首《大會堂演奏廳》畀你聽吓，其實歌可以咁樣唱嘅，唔一定要用你個方法唱。』袋咗好多錢落我袋，其實我有好多次演唱會翻唱過哥哥嘅歌，所以我當晚揀《為你鍾情》呢隻歌，我記得我喺03年嘅一個香港演唱會有揀到唱，係我自己好鍾意嘅歌。」
張國榮逝世18年舉行網上音樂會。
鄭丹瑞在網上平台公佈演出嘉賓。
去年4月為港人打氣舉行音樂會的許冠傑答允演出。（資料圖片）
李克勤難忘曾經與張國榮唱K。（IG圖片）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！