盛傳為曼聯今夏收購對象嘅馬德里體育會前鋒基沙文，喺球隊落實需要執行國際足協（FIFA）買人禁令後出post聲援，仲寫埋「Now More Than Ever #馬體會#團結一致」，甚有共度時艱意味，而喺日前，呢名法國國腳仲親證會留隊。佢接受法國足球節目Telefoot嘅訪問時話：「我一直都話會留隊，而喺球會呢個艱難時刻，我更加唔應該離隊，我已經同球會嘅總監講咗自己嘅意向。」而剛代表法國踢罷對巴拉圭友賽嘅基沙文，仲將佢一張著住花西裝食雪茄嘅相放上ig，似乎好風騷喎！