地產多聲道：代理搞網上睇樓疫廈有救
蘋果日報 2003/04/17 00:00
非典型肺炎爆發，樓市大受打擊，因為準買家唔敢去睇樓，業主就唔敢畀人嚟睇樓。中原地產果然食腦，即時搞網上睇樓，新增一欄叫做「安坐家中，一CLICK即中」，click入中原分類睇到二手放盤嘅資料同相片。
中原執行董事陳永傑話，只要委託中原獨家代理放盤嘅單位，可以將單位嘅相e-mail去中原，或者親自交畀代理行，會有專人幫你放上網。
即使淘大花園呢類「疫廈」，準買家可以好安全咁睇晒內櫳每個角落。
佢話透過呢個服務，估計可額外吸納五百個盤源，可望喺疫市中增加二手交投。
至於一向相當實用嘅中原地圖，執行董事張奕威透露，遲啲上網入中原地圖，可睇埋土地註冊處嘅成交資料。網址：www.centanet.com
淘大準買家轉買麗晶
九龍灣麗晶花園自同區嘅淘大花園爆發非典型肺炎後，半個月嚟只得三宗成交，比平時少咗四成。不過美聯吳裕強話，其中兩宗個案，卻係多得淘大花園爆發肺炎先至做得成交易。
話說兩個買家原本都係打算買淘大，從來冇考慮過離地鐵站較遠兼屬居屋嘅麗晶，但淘大變咗疫廈，隔籬嘅德福花園都有肺炎個案，而個客又好想住番呢區，惟有揀麗晶花園。由於麗晶呎價比淘大平，佢哋可以用差不多嘅價錢，買到個高層，裝修又靚啲嘅單位。呢兩個成交單位，都係四百七十四呎，成交價八十萬，呎價接近千七蚊，略高於市價。
中原執行董事陳永傑話，只要委託中原獨家代理放盤嘅單位，可以將單位嘅相e-mail去中原，或者親自交畀代理行，會有專人幫你放上網。
即使淘大花園呢類「疫廈」，準買家可以好安全咁睇晒內櫳每個角落。
佢話透過呢個服務，估計可額外吸納五百個盤源，可望喺疫市中增加二手交投。
至於一向相當實用嘅中原地圖，執行董事張奕威透露，遲啲上網入中原地圖，可睇埋土地註冊處嘅成交資料。網址：
九龍灣麗晶花園自同區嘅淘大花園爆發非典型肺炎後，半個月嚟只得三宗成交，比平時少咗四成。不過美聯吳裕強話，其中兩宗個案，卻係多得淘大花園爆發肺炎先至做得成交易。
話說兩個買家原本都係打算買淘大，從來冇考慮過離地鐵站較遠兼屬居屋嘅麗晶，但淘大變咗疫廈，隔籬嘅德福花園都有肺炎個案，而個客又好想住番呢區，惟有揀麗晶花園。由於麗晶呎價比淘大平，佢哋可以用差不多嘅價錢，買到個高層，裝修又靚啲嘅單位。呢兩個成交單位，都係四百七十四呎，成交價八十萬，呎價接近千七蚊，略高於市價。
非典型肺炎嚴重打擊樓市，中原集團主席施永青喺中原網頁內發表文章指出，若情況持續，地產行業將面臨另一次重大打擊，公司會跟隨大勢要瘦身，要求員工一起共度時艱。
施老闆話今個月上半月嘅佣金收入，比平時少三成，如果死撐，只會自取滅亡。佢估計營業部長期冇數嘅員工就炒硬，數少嘅要減底薪。非營業部門都要縮細規模、減人手同減薪。
不過，美聯主席黃建業話，公司喺舊年已經開始瘦身，預期今年嘅固定成本可以降低兩成。佢重話有計劃開新分行，但係舖租就要好平。另外，集團又計劃向業績好，同表現理想嘅員工送認股權，以示獎勵，亦會吸引同行加盟，加強實力。
復活節係零售業嘅黃金檔期，大業主必絞盡腦汁，吸引人流。其中九倉同和黃，會加強商場衞生，例如送口罩，勤抹電梯，甚至備有電子溫度計等。
此外，商場會搞節目吸引顧客，荷里活廣場有泊車優惠，甚至免費泊車、搞遙控模型車挑戰賽等。黃埔新天地同香港仔商場，購物可獲贈抗炎禮包同泊車優惠等。
𠵱家非典型肺炎差唔多散播到全球每一個角落，內地係重災區之一，唔少返內地嘅記者團都臨時取消，但估唔到重有發展商敢請記者到內地採訪。
上海中房置業，今個月二十五到二十七號，會喺上海舉行徐滙區漓江山水花園別墅開售記者會。上海好似冇乜聽到有非典型肺炎發病個案，似乎安全過香港，睇嚟記者上去採訪都唔使太驚。
好可惡嘅非典型肺炎病毒，全城都同佢搞緊對抗，喺咁嘅時勢，真係要團結起嚟對付。講到團結，點止市民大眾，連平日各有各做嘅發展商，都團結起嚟。三家發展商巨頭，齊集搞記者會，就較為少見，氣氛好熱鬧。蘭西諗，如果搞多啲呢類記者會，動力都大啲。
噚日相約一齊嘅發展商，有恒基嘅當勞張（張炳強）、新世界嘅何太（何伍燕榆）同新地嘅周國賢。佢哋平時搞樓盤推廣記者會，通常都各有各做，噚日就破例喺一個地點，連環搞咗五個記者會，節奏緊密，一次過滿足晒記者們嘅要求。五個樓盤各有優惠，發展商逐個輪流講。
蘭西
電郵地址：
淘大花園成為肺炎重災區，帶挈位處一隅的麗晶花園。
施永青
黃建業