農夫今日喺商台為新EP《你而家無但將來會有（上集）》宣傳，兩年多冇出碟嘅佢哋，準備年尾出埋下集又會開音樂會。

喺新碟入面，有農夫同金正恩嘅惡搞合成照，陸永話：「驚佢過嚟搵我哋咩？我就好少過去。」C君笑住強調設計嗰個係Sunny：「冤有頭債有主，呢啲都係佢諗0架。」

另外，碟入面仲有性感水着女同許懷欣（Ryan）嘅相，農夫話都係Sunny嘅意思，至於Ryan就係因為碟入面有首歌，係向歌神許冠傑致敬，所以邀請Ryan影相，首歌仲會用到許冠傑嘅歌詞同0依家嘅價值觀比較添。

農夫仲話0依家出碟冇壓力，因為賣幾百已經係好叻，但係發行嘅英皇幫佢哋印咗四位數字嘅碟，C君話：「連我哋經理人DJTommy都問，做咩對我哋咁有信心。」