不少獨居長者的家居，由於長期缺乏維修，以致陷阱處處，易生危險。就以七十一歲的馬志強老伯為例，日前其廚房一大幅瓷磚突然脫落，馬伯幸沒受傷，卻已嚇得半死。耆康會「家居維修支援站」計劃負責社工了解馬伯的情況後，隨即安排師傅上門替他免費維修。該計劃由蘋果日報慈善基金撥款贊助，預計有二百八十八戶長者受惠。

馬伯憶述日前半夜忽聞廚房傳來巨響的情況，猶有餘悸。「嗰晚瞓到半夜三點幾，廚房突然『嘭』一聲好大聲，我以為「冧」樓，嚇到我死，入去睇先知係一大幅瓷磚跌落嚟，成地碎片，我掃完地之後嗰晚都瞓唔番。」獨居的馬伯說。

重鋪脫落瓷磚
原職紗廠工人的馬伯退休多年，沒有結婚，在港舉目無親，他搬來葵盛邨約五年，他表示，搬來時廚房及廁所已鋪了瓷磚，卻沒想到那麼「化學」。「廁所瓷磚都谷起晒，都有年幾兩年，我叫過房屋署嚟睇，不過都冇幫我整，我咪自己用啲膠紙黐住佢囉。」現靠綜援金維生的馬伯坦言花不起錢找人維修，惟有自行想辦法解決。「𠵱家有人免費幫我鋪番瓷磚，梗係開心啦，唔使再驚夜晚嚇醒。」馬伯打趣地說。
替馬伯維修的劉偉文師傅表示，公屋質素參差，他見過有些鋪設瓷磚時因為沒有做足既定程序，以致瓷磚容易鬆脫，易生危險。
「有時啲老人家真係好慘，佢哋靠綜援金生活，如果搵出面師傅整，起碼收你八、九百蚊，所以我就參加呢個計劃，希望利用工餘時間幫吓佢哋。」擁有二十多年裝修經驗的劉師傅說。