【新增影片】
效力歐洲球要球會嘅球星，好多都會趁唞暑結婚，而成為「六月新娘」亦係唔少女孩子嘅夢想，喺呢個六月結婚嘅球星當中，就梗係以曼聯後衞基斯史摩寧嘅另一半曲姬最樣靚身材正，至於利物浦巴西前鋒嘅太太娜莉莎就勝在身材夠激凸，而阿仙奴中場韋舒亞嘅另一半安迪安娜就畀到人一個舒服嘅感覺。至於盛傳會離隊皇馬轉投曼聯嘅艾華路莫拉達，佢嘅另一半愛麗絲就以夠氣質出名。
不過，講到最有名氣嘅，就不得不提壓軸嘅六月新娘安東莉娜，皆因佢嘅老公係阿根廷球王美斯，而所謂「男人三十而立」，喺美斯於本星期六30歲生日之後，兩人就會喺6月30日行禮。