甄子丹今日喺尖沙咀舉行公司春茗，並筵開八席，老婆汪詩詩、汪圓圓夫婦、湛琪清與Jocelyn夫婦均有出席。

子丹透露今年大計係接拍三部電影，並考慮於內地拍攝綜藝節目，咁會唔會同老婆參加？佢話：「同佢一齊壓力好大，佢對我要求好高。如果決定做就會豁出去玩。」

圓圓同老公蔡加讚（Karson）啱啱從馬爾代夫度假回港，提到新年有冇帶囡囡Celine拜年？圓圓話：「好多人冇見都會畀利是佢，好開心。」

是咪逗咗好多利是？有冇超過百封？圓圓笑稱：「都有，會將佢儲起，睇吓儲到幾多。」

至於Karson剛過生日，圓圓表示：「Karson小學、中學都玩陶瓷，我book咗個privateclass，兩個玩。」係咪好似經典電影《人鬼情未了》咁浪漫先？佢話：「個個都咁講，事實冇咁浪漫。」