韓流始祖裴勇俊嘅32歲愛妻朴秀珍近日爆出是非，被指利用藝人知名度而獲優待，雖然朴秀珍已經否認有獲優待，亦有向該網民道歉，不過就令外界關注名人獲優待嘅問題。日前朴秀珍嘅演員好友金成恩亦受牽連，被網民指金成恩入住坐月中心時，朴秀珍可以不顧「不準外人進入病房」嘅規則，從而進入病房探望好友。

目前朴秀珍未就事件有所回應，而相關嘅坐月中心日前喺官方網站回應有關指控：「我哋盡可能都會只批准產婦本人及其丈夫出入，但其他人士想入內探望產婦，亦可以申請。金成恩係透過官方系統申請其他人入病房內探望，而朴秀珍亦係透過相關系統預約進行商談及參觀坐月中心。」

坐月中心續指朴秀珍係利用外部人員使用嘅升降機進入坐月中心，其後由職員帶到商談室進行商談，只係正喺中心內休養嘅金成恩亦在場陪同朴秀珍，否認朴秀珍獲特權到病房內探望好友金成恩。

相關新聞連結
【韓流】利用知名度醫院享特權？朴秀珍認有請醫護人員食冬甩
http://bit.ly/2BstWMa

【韓流】醫院澄清朴秀珍冇享特權 爆料者不滿：院方多次拒絕探B要求
http://bit.ly/2zTBcVg

【韓流】朴秀珍被爆獲醫院厚待後 好友金成恩又被轟享特權
http://bit.ly/2ATrP86

更多韓流，喺晒《娛果》
http://fb.com/appledailyent