下周一（7月1日）沙田七草三泥賽事，草地用B跑道，天文台預測當日或會有雨，馬迷宜留意臨場天氣情況。

睇番上季回歸賽日亦係用B欄，賽果具參考性，當日七匹草地賽頭馬，其中六駒守前三位建功，其中「霸勝」、「加州福星」及「加州再豫」都係放頭帶到；加上預期場地起變化，相信對具前速守前列之馬會更加有利。

今戰列陣馬中，第七場「精算風暴」曾兩度於田草B欄1200米勝出，今仗出王牌報跑強項，有力回復好表現。

另外，第九場「美麗經典」上仗正是於田草B欄放頭入位，等番同一移欄再跑且改由潘頓接手，可望贏馬補中。

至於三場泥地路程皆為1650米，4月至今共十匹同程頭馬全部守前四位入直路建功，如最近便有「黃金甲」一放到底贏馬。

下周一第二場「戈寶」及第六場「二郎」等預期會擺前走之馬，大家不妨秤先。

-----------------------------
7月4日起 《蘋果動新聞》只限升級壹會員閱覽
繼續撐蘋果！