韓國女團SISTAR成員昭宥出名身材好，而佢亦係圈中有名嘅減肥達人，不時於節目中分享減肥心得，佢日前就於節目《GetItBeauty》中公開自己一個月內瘦8公斤嘅減肥食譜。

於今日播出嘅節目中，昭宥就分享自己嘅減肥秘訣，表示：「當時就好似瘋咗一樣瘋狂運動，由起床到瞓覺為止，一直做瑜伽、體能訓練、有氧運動、舞蹈練習同跑步，食飯嘅話，就只食四隻鵪鶉蛋同一杯牛奶。」

不過昭宥似乎都覺得自己嘅方法有啲偏激，佢立即表示：「大家冇必要咁做，令自己嘅身體太攰，過度嘅運動會將身體搞垮。」