西班牙喺溫布萊球場作客出戰英格蘭，對於效力倫敦球會車路士嘅費蘭度托利斯（費托、圖）嚟講，都算有少少主場之利。不過費托話加盟咗車路士一年，都仲未好適應到倫敦嘅生活，同以前喺利物浦差太遠。費托話：「倫敦無疑係歐洲數一數二大城市，但我要去適應都唔容易，相比起當初加盟利物浦，好快就融入嗰邊相對較細嘅城市。」