嗱，娶個靚老婆返嚟，都未必淨係識使錢，好似巴塞隆拿前鋒孖寶就娶到好好嘅老婆──美斯未婚妻安東莉娜同阿蘇老婆蘇菲亞，出晒名夠晒索，仲幫佢哋生埋仔女，打理家頭細務頭頭是道；而且兩人都不甘淨係做黃面婆，計劃夾份喺巴塞隆拿市開鞋店，單靠兩位球星嘅大名，已經夠晒叫座力，廣告費都慳番，如果兩位Wags不時坐鎮鞋店，擔保其門如市啦。