莊思敏即將推出自家品牌美容產品，親自露背性感做埋生招牌，十分慳家，今日佢喺柴灣拍攝硬照廣告，莊思敏透露首批貨品會喺十月底上市，首先主攻網上，再於舖頭上架，佢話今次嘅投資係天文數字，希望「BB」盡快長大，可以養活回饋她。

提到妹妹莊思明早前撞車，幸好人冇事，但座駕total loss，身為交通安全大使嘅莊思敏話：「好嬲阿妹佢唔小心駕駛，車係身外物，最重要係人安全，今次好彩冇事，佢真係要提升技術。我手車好過佢好多，盡量都唔會坐佢車。o依家佢好大藉口可以有人車佢啦。」講到買新車，做家姐使唔使資助或者幫手？佢笑言：「唔使啦， 咁大個人自力更生啦！」