55歲翁靜晶與拍拖5年的何猷彪今早10時半在教堂行禮，中午12時半在深灣鄉村俱樂部的中菜廳宴請親友（新聞連結： https://bit.ly/2EY5F54）！

翁靜晶約上午11時58分抵深灣會場準備，之後到門外見傳媒，翁靜晶稱去年底與何猷彪在佛法見證下結成夫妻，翁靜晶為虔誠佛教徒，自12歲開始篤信佛教，她解釋於教堂行禮的原因：「先生係基督教徒，佢喺神嘅認證下，對於佢嚟講婚姻就生效，所以今次係大家互相尊重大家信仰，所以行多一次禮，心情都好平和，好開心有晒香港啲朋友喺度，都係熟悉嘅臉龐，甚至乎小學、中學同學都有嚟，呢個好感動、好開心，何東中學都派出合唱團為我哋唱詩歌，我哋都好多謝佢哋。」

講到女兒劉萬儀及劉幸儀有否到賀，翁靜晶指之前在外國根據佛教儀式結婚時，當時女兒及親人都在場，她說：「今次主要請何猷彪先生嘅朋友，我嘅朋友只係邀請咗好少，今日6月8號係何鴻章先生嘅生日，為咗紀念佢嘅爸爸，所以揀今日行禮，佢係佢哋呢一代何東家族嘅成員第一個喺香港行禮，亦好有意義，同他們家族有淵源的紀律團體，譬如聖約翰救傷隊、何東中學、香港退伍軍人聯會，他們都有到場。」

翁靜晶指行禮儀式是跟隨他們家族意願去做，她也感到高興，提到大女劉萬儀是否仍未接受她再婚，翁靜晶說：「我上一次喺外地成婚時，所有家人已經到晒，好融洽，我兩個女都有到，好感恩我哋非常快樂和諧，但係自己個人快樂唔係我要嘅最終目的，既然有咁嘅淵源，我而家又多咗一個咁嘅支持，希望做更加好嘅事去推動社會，呢個比較重要，可以咁講『富裕係庸俗』，可以點樣令到呢個機緣，令大家可以得益，往後嘅日子，我都會簡樸慳儉，有多餘嘅、有能力嘅，我就盡量做多啲，幫助社會，呢個支持力係我之前冇，大家都知我喺定慧寺傾盡家財去打呢個公義嘅戰爭，今次多咗啲支持力，我希望畀到大家，而唔係我一個人。」

她多謝傳媒朋友到場，她又指丈夫沒在公開場合kiss，因為他們有一個傳統:「唔可以公開去表達自己情感，係佢哋教養，有時都會犯規，但咁多人睇住就唔敢，老公都浪漫啲，不過喺我唔見咗嘢，佢會幫我準備，我覺得係浪漫。」
------------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
--------------------------------
【記住63836568】全民爆相爆片！下一個爆料王就係你
https://bit.ly/2Guolu9